அருண் மாதேஸ்வரன் இயக்கத்தில் வசந்த் ரவி நடித்துள்ள ராக்கி திரைப்படம் 2 ஆண்டுகள் காத்திருப்பிற்கு பின்னர் ரிலீஸ் ஆக உள்ளது. அறிமுக இயக்குனர் அருண் மாதேஸ்வரன் இயக்கத்தில் தரமணி புகழ் வசந்த் ரவி நடிப்பில் உருவான திரைப்படம் ராக்கி. முக்கியமான கதாபாத்திரத்தில் பாரதிராஜா நடித்துள்ளார். இந்த படத்தின் வித்தியாசமான போஸ்டர் மற்றும் டிரைலர் சினிமா ரசிகர்கள் இடையே கவனத்தை ஈர்த்தன.
ஆனால் முடிந்து இரண்டு ஆண்டுகள் ஆகியும் இன்னும் அந்த படம் ரிலீஸாகவில்லை. இடையில் இந்த படத்தை விக்னேஷ் சிவன் தன்னுடைய ரௌடி பிக்சர்ஸ் நிறுவனத்தின் மூலம் கைப்பற்றினார்.
இந்நிலையில் இரண்டு ஆண்டு கால காத்திருப்புக்கு பின்னர் இப்போது ரிலீஸ் தேதியை அறிவித்துள்ளனர். வரும் டிசம்பர் 23 ஆம் தேதி திரையரங்குகளில் இந்த படம் வெளியாக உள்ளதாக அறிவிக்கப்பட்டுள்ளது.