காமெடி நடிகர் சதீஷ் முதல் முதலில் தமிழ் சினிமாவில் ஹீரோவாக நடிக்கும் படத்தை அறிமுக இயக்குனரான கிஷோர் ராஜ் குமாரின் இயக்கி வருகிறார். ஏஜிஎஸ் என்டர்டெயின்மென்ட் தயாரிப்பு நிறுவனம் இந்த படத்தை தயாரித்து வருகிறது. இந்த படத்தில் பிரபல தொலைக்காட்சியான விஜய் டிவியில் வெளியாகும் குக் வித் கோமாளியில் என்ற நிகழ்ச்சி வரும் பவித்ரா லட்சுமி சதிஷ்க்கு ஜோடியாக நடிக்கிறார்.
சதிஷ் நடிக்கும் படத்திற்கு படக்குழுவினர் நாய் சேகர் என்று டைட்டிலை முடிவு செய்தனர். ஆனால் அதற்கு இடையில் நீண்ட இடைவெளிக்குப் பிறகு சினிமா மீண்டும் ரீ என்ட்ரியான வைகை புயல் நடிக்க இருக்கும் படத்திற்கான டைட்டிலும் நாய் சேகர் என்று கூறப்பட்டு வந்தது. இந்த நிலையில் வடிவேலு நடிக்கும் படத்திற்கான டைட்டிலை மாற்றிவிட்டு சதிஷ் நடிக்கும் படத்திற்கு நாய் சேகர் என்று டைட்டிலை அதிகார பூர்வமாக படக்குழுவினர் அறிவித்தனர்.
மேலும் சதிஷ் நடிக்கும் படத்திற்கான ஃபர்ஸ்ட் லுக்கை தலைப்புடன் படக்குழுவினர் நேற்று வெளியிட்டனர். சதிஷ் நடிக்கும் நாய் சேகர் படத்திற்கான ஃபர்ஸ்ட் லுக்கை பார்த்த அனைவரும் சதிஷ்க்கு வாழ்த்துக்களை தெரிவித்து வருகின்றனர். மேலும் காமெடி நடிகர் இது போன்று ஹீரோவாக நடிப்பது புதிதல்ல என்றாலும் சதிஷ் நாயுடன் இருக்கும் இந்த ஃபர்ஸ்ட் லுக் பார்த்தல் நாய் வைத்து வெளியாகும் காமெடி படமாக இருக்கலாம் என்பதால் எதிர்ப்பார்ப்பை உண்டாக்கியுள்ளது. இந்த படத்திற்கான படப்பிடிப்பு விரைவாக நடைபெற்று வருவதால் 2021 பொங்கலில் வெளியாகும் என்று எதிர்பார்க்கப்படுகிறது.