ஆர் ஆர் ஆர் படத்தின் டிரைலர் ரிலீஸ் நிகழ்வு ஒத்திவைக்கப்பட்டுள்ளது ரசிகர்களுக்கு ஏமாற்றத்தை அளித்துள்ளது. ராஜமௌலி பாகுபலி இரண்டாம் பாகத்துக்குப் பிறகு இயக்கியுள்ள ஆர் ஆர் ஆர் திரைப்படத்தில் ஜூனியர் என் டி ஆர், ராம்சரண் தேஜா, ஆலியா பட் மற்றும் அஜய் தேவ்கன் ஆகியோர் முக்கிய வேடத்தில் நடித்துள்ளனர்.
இந்த படத்தின் படப்பிடிப்பு கிட்டத்தட்ட இரண்டு ஆண்டுகளாக நடந்துவந்த நிலையில் இப்போது 2022 ஆம் ஆண்டு ஜனவரி 7 ஆம் தேதி இந்தியா முழுவதும் வெளியாக உள்ளது. பாகுபலியின் வெற்றியால் ராஜமௌலியின் படத்துக்கு மிகப்பெரிய எதிர்பார்ப்பு உள்ளது.
இந்தியா முழுவதும் மிகப்பெரிய எதிர்பார்ப்பு நிலவும் நிலையில் இந்த படத்தின் அனைத்து மொழி டிரைலர் ரிலீஸ் டிசம்பர் 3 ஆம் தேதி நடக்கும் என அறிவிக்கப்பட்டு இருந்தது. ஆனால் இப்போது எதிர்பாராத சூழல் காரணமாக டிசம்பர் 3 ஆம் தேதி ரிலீஸாகாது என்றும் ரிலிஸ் தேதி பின்னர் அறிவிக்கப்படும் என்றும் கூறப்பட்டுள்ளது.