தேர்தலை ஒட்டி டாக்டர் திரைப்படம் வெளியாகும் தேதி மாற்றப்பட்டுள்ளது, நடிகர் சிவகார்த்திகேயன் பிரியா மோகன் நடிப்பில் இயக்குனர் நெல்சன் இயக்கிய திரைப்படம் தான் டாக்டர். இதில் காமெடி நடிகர் யோகிபாபு நடித்துள்ளார். டாக்டர் திரைப்படம் காமெடி மற்றும் த்ரில்லர் கலந்து இயக்கப்பட்டுள்ளது.
கே.ஜே.ஆர். ஸ்டூடியோஸ் நிறுவனமும் நடிகர் சிவகார்த்திகேயனின் எஸ்.கே.புரொடக்ஷன் நிறுவனமும் இணைந்து தயாரித்துள்ள இப்படத்திற்கு அனிருத் இசையமைத்துள்ளார். இந்தத் திரைப்படத்தின் பாடல்கள் கடந்த ஆண்டு முதல் ஒவ்வொரு பாடலாக வெளியிடப்பட்டு வந்தது. சில வாரங்கள் முன்பு கூட இந்தத் திரைப்படத்தின் “சோ பேபி” என்ற பாடல் வெளிவந்து, அனைவரையும் கவர்ந்தது.
இந்த திரைப்படம் மார்ச் 26ல் வெளியாக இருந்தது. ஆனால் சட்டமன்ற தேர்தல் ஏப்.6ல் நடைபெற இருப்பதால், தேர்தல் பிரச்சாரம் பொது கூட்டம் என்று போய்விடுவார்கள் படம் பார்க்க வருபவர்களின் கூட்டம் குறைவாகத்தான் இருக்கும். மார்ச் மாதம் வெளியாக இருந்தா டாக்டர் திரைப்படம் மே மாதம் திரையரங்குகளில் வெளியிட படக்குழுவினர் திட்டமிட்டுள்ளனர்