நடிகர் விஜய் சேதுபதி நடித்துள்ள கடைசி விவசாயி திரைப்படத்தை காக்கா முட்டை புகழ் மணிகண்டன் இயக்கியுள்ளார். காக்கா முட்டை, குற்றமே தண்டனை மற்றும் ஆண்டவன் கட்டளை ஆகிய படங்களுக்கு பிறகு மணிகண்டன் இயக்கியுள்ள திரைப்படம் கடைசி விவசாயி. இந்த கதையை முதலில் ரஜினியை வைத்து இயக்க மணிகண்டன் திட்டமிட்டு இருந்தார்.
ஆனால் அது நிறைவேறாததால் ஒரு 70 வயது முதியவரை கதாநாயகனாக நடிக்க வைத்துள்ளார். விஜய் சேதுபதியும் யோகி பாபுவும் முக்கியக் கதாபாத்திரத்தில் நடித்துள்ளனர். இந்த படம் முடிந்து சில வருடங்கள் ஆகிவிட்ட நிலையில் விஜய் சேதுபதியின் படங்கள் அடுத்தடுத்து ரிலிஸ் ஆகி வந்ததாலும் கொரோனாவாலும் தள்ளிக்கொண்டே சென்றது.
ஒரு கட்டத்தில் ஓடிடியில் ரிலீஸ் செய்ய பேச்சுவார்த்தை மேற்கொள்ளப்பட்டு சோனி லிவ் தளத்தோடு ஒப்பந்தமும் தயாரானது. ஆனால் பின்னர் அது சில காரணங்களால் தடைபட்டது. இதற்கிடையில் ஓடிடியில் வெளியான விஜய் சேதுபதியின் படங்களும் தொடர் தோல்வியை சந்தித்தன. இதனால் இந்த படத்தை திரையரங்கில் ரிலீஸ் செய்ய இப்போது படக்குழு முடிவெடுத்துள்ளது.
டிசம்பர் மாதம் மத்தியில் இந்த படம் திரையரங்குகளில் வெளியாக உள்ளதாக சொல்லப்படுகிறது. வரிசையாக தோல்வியைக் கொடுத்து வரும் விஜய் சேதுபதிக்கு இந்த படமாவது வெற்றியைக் கொடுக்குமா என்ற எதிர்பார்ப்பு ரசிகர்கள் மத்தியில் உள்ளது
