தேவையின்றி வன்னிய சமூகத்தை வம்புக்கு இழுத்து பெரும் சிக்கலில் தற்போது சிக்கியுள்ளார் நடிகர் சூர்யா. சூர்யா நடிப்பில் சமீபத்தில் வெளியான ஜெய்பீம் திரைப்படத்தில் கொடூரமான காவல் ஆய்வாளர் வன்னிய சமூகத்தை சார்ந்தவர் போன்று போலியாக சித்தரிக்கப்பட்டிருந்தது. இதற்கு வன்னிய சமூக மத்தியில் கடும் எதிப்பு கிளம்பியது. மேலும் இந்த செயல் இருளர் சமூகம் மற்றும் வன்னியர் சமூகம் இடையே பிளவை ஏற்படுத்தும் முயற்சி என இருளர் சமூகத்தினரும் சூர்யாவுக்கு எதிராக கண்டனம் தெரிவித்து வந்தனர்.
இந்நிலையில் கடும் எதிர்ப்புக்கு பின் வேறு வழியின்றி ஜெய்பீம் படத்தில் சர்சைக்குரிய அந்த காட்சிகள் மாற்றியமைக்க பட்டது. இதனை தொடர்ந்து மாநிலங்கவை உறுப்பினர் அன்புமணி ராமதாஸ் ஜெய்பீம் படத்தில் வன்னியர்களை தவறாக சித்தரிக்கும் வகையில் இடம்பெற்று இருந்த சர்ச்சைக்குறிய கட்சிகளுக்கு கடும் கண்டனத்தை பதிவு செய்திருந்தவர் மேலும் சூர்யாவை நோக்கி பல கேள்விகளை முன்வைத்தார்.
இதற்கு பதில் தெரிவித்த நடிகர் சூர்யா தான் செய்த தவறை நியாயப்படுத்தி அறிக்கை வெளியிட்டிருந்தது வன்னிய சமூகத்தினர் மத்தியில் மேலும் கொந்தளிப்பை ஏற்படுத்தியது. இதனால் வன்னிய சமூகத்தில் இருக்கும் சூர்யா ரசிகர்கள், சூர்யாவின் புகைப்படத்தை தீயிட்டு தாங்கள் எதிர்ப்பை தெரிவித்தனர், மேலும் இந்த விவகாரம் குறித்து நடிகர் சூர்யா மன்னிப்பு கேட்கவில்லை என்றால், அடுத்து அவர் படம் வெளியாகும் நேரத்தில் கடுமையான எதிர்ப்புகளை சந்திக்க நேரிடும் என தங்கள் எதிர்ப்பை தெரிவித்து வருவதாக கூறப்படுகிறது.
மேலும் சூர்யா ரசிகர்களாக இருந்த வன்னிய இளையோர்களின் மாற்றத்திற்க்கு வித்திட்ட சூர்யா அவர்களுக்கு நன்றிகள் என்றும், இனி வன்னிய சமூகம் உங்கள் குடும்ப திரைப்படங்களை வணிக ரீதியாக புறகணிப்போம் , சூர்யாவின் வன்மம் தான் வன்னிய ரசிக இளையோர்களை யோசிக்க வைத்துவிட்டது என சூர்யா ரசிகர்களாக இருந்து வந்த வன்னிய இளைஞர்கள் தெரிவித்து வருகின்றனர், மேலும் இந்த விவகாரத்தில்.
நடிகர் சூர்யா தேவையின்றி வன்னிய சமூகத்தை வம்பிழுத்து ஒரு சமூகத்துக்கு எதிராகவே தன் மீது முத்திரை விழும் அளவுக்கு நடந்து கொண்டுள்ளார். மரியாதை நிமித்தமாக அன்புமணி ராமதாஸ் கேட்ட கேள்விக்கு பதிலளிக்க விருப்பம் இல்லை என்றால் கடந்து சென்று அமைதியாக இருந்திருக்கலாம், ஆனால் அவருக்கு பதில் தரும் விதத்தில் தான் செய்த தவறை நியப்யபடுத்தி தற்போது பெரும்பாலன வன்னிய சமூகத்தின் எதிர்ப்புக்கு உள்ளாகியுள்ளார் சூர்யா என்பது குறிப்பிடத்தக்கது.