விஜய் டிவியில் சீரியல்களை விட பிக் பாஸ் நிகழ்ச்சியை பார்க்கும் மக்களின் அளவு சமீபகாலமாக பல மடங்கு அதிகரித்துள்ளது. மொத்தமாக 100 நாட்கள் நடக்கும் இந்த நிகழ்ச்சியில் பங்கேற்கும் போட்டியாளர்கள் போடும் சண்டைகளுக்கு பஞ்சமே இருக்காது. குறிப்பாக அப்படித்தான், எந்த சீசனிலும் இல்லாத அளவிற்கு பிக் பாஸ் சீசன் 7-ல் மாயா, பூர்ணிமா, விசித்ரா, அர்ச்சனா ஆகியோரிடையே நடந்த கலவரத்தால் பிக்பாஸ் வீடே ரெண்டாக உடைந்தது.
இந்த நிலையில் பிக் பாஸ் சீசன் 8-ல் யாரெல்லாம் பங்கு பெற போகிறார்கள், என்ற போட்டியாளர்களின் லிஸ்ட் வெளியாகி பார்வையாளர்களிடையே அதிர்ச்சியை ஏற்படுத்தி உள்ளது. ஏனெனில் இந்த லிஸ்டில் இருக்கும் நபர்கள் சர்ச்சைகளிலேயே ஊறிய நபர்களாம். முதல் போட்டியாளராக, பப்லு ப்ரித்விராஜ் பங்கேற்கவிருக்கிறார்.
இவர் 20 வயது பெண்ணை இரண்டாவது திருமணம் செய்து கொண்டு, எனக்கு 50 உனக்கு 20 என அடித்த லூட்டிகளுக்கு அளவே இல்லை. ஆனால் அந்த திருமணமும் கடைசியில் பிரிவில் வந்து நின்றது. இப்படி சில காலங்களுக்கு சோசியல் மீடியாவில் ட்ரெண்டிங்காக இருந்த இந்த பப்லு பிரித்திவிராஜை தான், தற்போது பிக் பாஸ் கண்டஸ்டண்டாக தேர்வு செய்துள்ளதாக தகவல் வெளியாகியுள்ளது.
மேலும் இவர் போன சீசனிலேயே கலந்து கொள்ள இருந்ததாகவும், ஆனால் சில காரணங்களால் அப்போது அவர் கலந்து கொள்ள முடியவில்லை, இதனால் இந்த பிக் பாஸ் சீசன் 8ல் என்ட்ரி கொடுக்கவிருக்கிறார் என்றும் சொல்லப்படுகிறது. இதைப் போல் அடுத்ததாக நடிகை கிரனும் சீசன் 8 ல் கலந்து கொள்ளவிருக்கிறார். ஜெமினி ஜெமினி என்ற பாட்டுக்கு குத்தாட்டம் போட்டு ஆடிய இவருக்கு தற்போது பட வாய்ப்புகள் கிடைக்காததால் இவர் இந்த நிகழ்ச்சிக்கு வந்ததாகவும் கூறப்படுகிறது.
பிறகு, காதல் கொண்டேன் படத்தில் நடித்த நடிகை சோனியா அகர்வால் இந்த நிகழ்ச்சியில் பங்கேற்க இருக்கிறார். இவர் இந்த பிக்பாஸில் பங்கேற்றால், தனது முன்னாள் கணவர் செல்வராகவன் மற்றும் தனுஷ் சம்பந்தமான பல விஷயங்களை போட்டு உடைத்து விடுவார் என்றும் கூறப்படுகிறது. அதேபோல் அடுத்த கண்டஸ்டெண்டாக டிடிஎஃப் வாசன் களம் இறங்கவிருக்கிறார். தொட்டதுக்கு எல்லாம் போலீஸ் கேஸ் ஆகும் டிடிஎப் வாசன், பிக் பாஸ் வீட்டிலும் வாயை வைத்துக் கொண்டு சும்மா இல்லாமல் கேஸ் வாங்கி தான் வெளியே வருவார் என்றும் பலரும் கலாய்த்து வருகின்றனர்.
மேலும் டிடிஎஃப் வாசனோடு சேர்த்து, அவரின் காதலியான ஷாலின் சோயாவும் பங்கேற்க இருப்பதாகவும் கூறப்படுகிறது. அதேபோல் இன்ஸ்டாவில் பிரபலமாக இருக்கும் அமலா ஷாஜி இந்த நிகழ்ச்சியில் கலந்து கொள்ள இருப்பதாக கூறப்படுகிறது. மேலும் வின்னர், கஜினி மாதிரியான திரைப்படங்கள் மூலமாக பிரபலமாக இருக்கும் நடிகர் ரியாஸ் கான் இதில் கலந்து கொள்ள இருக்கிறார். அதேபோல் தற்சமயம் வாய்ப்புகள் அதிகம் இல்லாமல் இருக்கும் நடிகை பூனம் பஜ்வா இதில் கலந்து கொள்ள இருக்கிறார்.
மேலும் ரோபோ ஷங்கரும் கலந்து கொள்ள இருக்கிறார். இதில் குறிப்பாக சுச்சி லீக்ஸ் மூலம் அதிக சர்ச்சைக்கு உள்ளான பாடகி சுசித்ரா இந்த நிகழ்ச்சியில் கலந்துகொள்ள இருப்பதாக தகவல் வெளியாகியுள்ளது. ஒருவேளை இவர் இந்த நிகழ்ச்சியில் கலந்து கொண்டால், இன்னும் பல நடிகர், நடிகைகள் பற்றிய தகவல்களை வெளியிடுவார் என்றும், இதனால் இந்த நிகழ்ச்சியே கலவரமாகப்போகிறது என்றும் சொல்லப்படுகிறது.