இசையமைப்பாளர் டி.இமான் சமீபத்திய பேட்டியில் தனக்கு நடிகர் சிவகார்த்திகேயன் துரோகம் செய்துவிட்டதாகவும், இனி ஜென்மத்துக்கும் அவருடன் சேர்ந்து வேலை செய்ய மாட்டேன் என்றும் பேசியது பரபரப்பை கிளப்பியுள்ளது. பரபரப்பு என்று சொல்வதை விட சிவகார்த்திகேயனுக்கு தலைவலியை கொடுத்தது என்றே சொல்லலாம்.
ஏனென்றால் என்ன துரோகம் என்று சொல்லாமல் குழந்தைகளை பாதிக்கும் என்பதால் சொல்ல மாட்டேன் என்று முடிச்சுகளுடன் ட்விஸ்ட் வைத்தார் இமான். இதனால் அரசல் புரசலாக பலரும் பல அவதூறுகளை பரப்பினர். இதனால் இத்தனை ஆண்டுகள் எஸ்.கே கட்டி காத்து வைத்திருந்த இமேஜ் மொத்தமும் டேமேஜ் ஆனது. பலரும் பலவிதமாய் பேச இந்த விஷயம் ட்ரெண்ட் ஆனது.
பின் இது தொடர்பாக மோனிகா ரிச்சர்ட், எங்களுடைய விவாகரத்திற்கு சிவகார்த்திகேயன் சமாதானம் தான் செய்தார். ஆனால். அவரை துரோகி என்று இமான் கூறக்கூடாது. அவர் தன்னுடைய சுயநலத்திற்காக இப்படியெல்லாம் பேசுகிறார். இமான் பப்ளிசிட்டிக்காக இப்படியெல்லாம் பேசி இருக்கிறார் என்று சொன்னார். இந்த நிலையில் நடிகர் சிவகார்த்திகேயன் திருமணத்தை மீறிய உறவில் இருந்தது உண்மைதான் என்று பத்திரிகையாளர் பயில்வான் ரங்கநாதன், வலைப்பேச்சு மிஸ்கி வலைப்பேச்சு அந்தணன் ஆகியோரெல்லாம் சோசியல் மீடியாவில் பல்வேறு கருத்துகளை கூறி வருகின்றனர்.
மேலும் இந்த பேட்டி வெளியானது முதலே நெட்டிசன்கள் பலரும் சிவகார்த்திகேயனுக்கு எதிராக தங்களது கருத்துகளை பதிவு செய்து வருகின்றனர். குறிப்பாக டி. இமான் இசையமைத்த மனம் கொத்திப் பறவை, வருத்தப்படாத வாலிபர் சங்கம், ரஜினிமுருகன், சீமராஜா மற்றும் நம்ம வீட்டுப்பிள்ளை ஆகிய படங்கள் தான் சிவாகார்த்கேயனின் அடையாளம். அந்த படங்கள் மூலம் தான் சிவகார்த்திகேயன் பட்டி தொட்டி எல்லாம் சென்று சேர்ந்ததாகவும், அவரது வளர்ச்சிக்கு முக்கிய பங்காற்றிய இமானுக்கு எப்படி துரோகம் செய்ய முடிந்தது என்றும் கேள்வி எழுப்பி வருகின்றனர்.
இமானின் குடும்ப விவகாரத்தில் சிவகார்த்திகேயன் தலையிட்டு குழப்பத்தை ஏற்படுத்தியதாகவும், அதனால் தான் இமான் தனது முதல் மனைவியிடம் இருந்து விவாகரத்து பெற்றதாகவும் நெட்டிசன்கள் கருத்துகளை பதிவு செய்து வருகின்றனர். இப்படி இந்த விஷயம் பூதாகமராக வெடித்துள்ள நிலையில், இன்னும் சிவா தரப்பில் இருந்து எந்த பதிலும் அளிக்கப்படவில்லை என்பது குறிப்பிடத்தக்கது. இந்த பிரச்சனையால் அவரது அடுத்தடுத்த பட ரிலீஸ்களில் பிரச்சனை வரலாம் என்றும் பேசப்படுகிறது.
சிவகார்த்திகேயன் சமீபகாலமாக வித்யாசமான ஜானர்களில் படங்களில் நடித்து வருகின்றார். ஆரம்பகாலகட்டத்தில் காதல் மற்றும் காமெடி படங்களாக தேர்ந்தெடுத்து நடித்து வந்தார் சிவகார்த்திகேயன். அப்படங்கள் அவருக்கு மிகப்பெரிய அளவில் கைகொடுத்தது. ஆனால் அதன் பிறகு தொடர்ந்து ஒரு சில படங்கள் எதிர்பார்த்த வெற்றியை பெறாமலே தோல்வியை சந்தித்தன. இதனால் உஷாரான சிவகார்த்திகேயன் வித்யாசமான ஜானர்களில் படங்களை தேர்ந்தெடுத்து நடிக்க துவங்கினார்.
அந்த வகையில் டாக்டர், மாவீரன் போன்ற வித்யாசமான ஜானர் படங்களில் நடித்து வெற்றிபெற்ற சிவகார்த்திகேயன் தற்போது ராஜ் கமல் பிலிம்ஸ் சார்பாக கமல் தயாரிக்கும் SK21 படத்தில் நடித்து வருகின்றார். 2016 ஆம் ஆண்டு சிவகார்த்திகேயன் அயலான் என்ற படத்தில் நடிக்க துவங்கினார். இன்று நேற்று நாளை என்ற வெற்றிப்படத்தை கொடுத்த ரவிக்குமாரின் இயக்கத்தில் சைன்ஸ் பிக்ஷன் படமாக உருவான அயலான் திரைப்படம் ஒரு வழியாக ஏழு வருடங்கள் கழித்து 2024 ஆம் ஆண்டு பொங்கல் பண்டிகையை முன்னிட்டு திரையில் வெளியாக இருக்கின்றது.
ஏற்கனவே இமானின் பிரச்சினையால் சிவாவின் கெரியர் பிரச்சனை ஆன நிலையில் இவரின் அயலானுக்கு சூப்பர் ஸ்டார் மகள் ஐஸ்வர்யா ரஜினிகாந்த் ஆப்பு வைத்துள்ளார். அவர் சூப்பர் ஸ்டார் ரஜினிகாந்தை வைத்து இயக்கியுள்ள லால் சலாம்’ திரைப்படமும் அடுத்த ஆண்டு பொங்கல் பண்டிகையை முன்னிட்டு திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது. இதனால் அயலான் வசூல் தடுமாறும். மேலும் விக்ரமின் தங்கலான் படமும் அன்று தான் ரிலீஸ் ஆகிறது. இது சிவகார்த்திகேயன் கெரியர்க்கே பங்கம் விளைவிக்கும் என்று கூறி வருகின்றனர்.