இனி எந்த படம் வெளியானாலும் அந்த படம் வெளியாவதற்கு முன்பு நடக்கும் ப்ரமோஷன் நிகழ்ச்சியில் உண்மையிலே படம் நன்றாக இருந்தால் பில்டப் கொடுக்கலாம், அல்லது கங்குவா மாதிரி மொக்க படுத்துக்கெல்லாம் பில்டப் கொடுத்தா படம் வெளியான பின்பு செமத்தியா ரசிகர்களிடம் வாங்குவார்கள் என்பதற்கு உதாரணம். தற்பொழுது கங்குவா படம் வெளியாகி நடிகர் சூர்யா தயாரிப்பாளர் உட்பட யாரெல்லாம் அந்த படத்திற்கு ஓவர் பில்டப் கொடுத்தார்களோ அவர்களை வெளுத்து வாங்கி வருகிறார்கள் ரசிகர்கள்.
கங்குவா படம் அடைந்த தோல்வியை விட நடிகர் சூர்யா மற்றும் அந்த பட குழுவினர் கொடுத்த பில்டப் பின் காரணமாக சம்பந்தப்பட்ட நபர்களின் இமேஜ் மிகப்பெரிய அளவில் டேமேஜ் செய்யப்பட்டு வருகிறது. குறிப்பாக இந்த படத்தை இந்தியாவே வாயை பிளந்து பார்க்கும் என்று சூர்யா பேசிய நிலையில் தற்போது சூர்யாவின் இமேஜை மிகப்பெரிய அளவில் டேமேஜ் செய்து வருகிறார்கள் சினிமா ரசிகர்கள்.
அந்த வகையில் பில்டப் இல்லாமல் இந்த படம் வெளியாகி இருந்தால் படத்திற்கு மட்டுமே சேதாரம் ஆயிருக்கும். ஆனால் தேவையில்லாமல் ஓவர் ஹைப்பை கொடுத்து தற்பொழுது இமேஜயும் இழந்து வருகிறார் நடிகர் சூர்யா. குறிப்பாக இந்தியன் 2 படத்தை கங்குவா ட்ரோல் செய்வதில் முறியடித்து விட்டு, தற்பொழுது இதுவரை தமிழ் சினிமா வரலாற்றில் வெளியான படங்களில் அதிக கேலி கிண்டலுக்கா உள்ளான படங்களில் முதல் இடத்தில் கங்குவா பிடித்துள்ளது என்பது குறிப்பிடத்தக்கது.
இந்த நிலையில் கங்குவா படம் மொத்தமே தமிழகம் முழுவதும் 490 திரையரங்கங்களில் மட்டுமே இந்த படம் வெளியானதாகவும், காரணம் ஏற்கனவே சிவகார்த்திகேயன் நடித்த அமரன் படம் நன்றாக ஓடிக் கொண்டிருப்பதால் எதற்கு தேவையில்லாமல் அமரனை தூக்கி விட்டு நாம் ரிஸ்க் எடுக்க வேண்டும் என்று பல திரையரங்குகள் கங்குவா படத்தை வெளியிடவில்லை என கூறப்படுகிறது.
அந்த வகையில் சிவகார்த்திகேயன் நடிப்பில் வெளியான அமரன் படம் முதல் நாளில் சுமார் 16 கோடி ரூபாய் வசூல் செய்திருந்த நிலையில், தற்பொழுது சூர்யா நடிப்பில் வெளியாகியுள்ள கங்குவா படத்தின் வசூல் எவ்வளவு என்கின்ற தகவல் வெளியாகியுள்ளது. முதல் நாள் வசூல் தமிழகத்தில் வெறும் 8.25 கோடி தான் என தற்பொழுது தகவல் வெளியாகியுள்ள நிலையில், இது சிவகார்த்திகேயன் நடிப்பில் வெளியான அமரன் படத்தின் பாதி வசூலைத்தான் தொட்டிருக்கிறது என்பது குறிப்பிடத்தக்கது.
அந்த வகையில் ஒரு படம் நன்றாக இருக்கிறதோ இல்லையோ ஆனால் ஒரு முன்னணி நடிகர் படம் முதல் நாளில் மிகப்பெரிய வசூல் சாதனை படைக்கும். ஆனா கங்குவா படம் முதல் நாளில் பல திரையரங்குகளில் காத்து வாங்குவதற்கு காரணம் முதல் ஷோ முடிந்து வெளியானவுடன் ரசிகர்கள் அனைவரும் இந்த படத்தை கழுவி கழுவி ஊத்தியதை பொதுவாக youtube சேனல் மட்டுமின்றி முக்கிய தொலைக்காட்சிகளில் நிமிடத்திற்கு நிமிடம் ஒளிபரப்பி அடுத்தடுத்த சோக்கு மக்கள் வர முடியாத அளவிற்கு காரணம் ஆகி விட்டது.
அதாவது பெரும்பாலும் அஜித் விஜய் ரஜினி படங்கள் தவிர மற்ற நடிகர்களின் படம் வெளியாகும் பொழுது முதல் ஷோவில் அடுத்தடுத்து முதல் ஷோ படம் பார்த்தவர்கள் ரிவ்யூ கொடுத்ததை பார்த்து தான் ரசிகர்கள் திரையரங்குகளுக்கு படையெடுப்பார்கள். அப்படி கங்குவா படத்தை முதல் ஷோ பார்த்த அனைவருமே கழுவி ஊத்தியதை தொடர்ந்து, யாரும் திரையரங்கு பக்கம் எட்டி கூட பார்க்கவில்லை இதனால் முதல் நாளே பல திரையரங்குகள் காத்து வாங்கியது குறிப்பிடத்தக்கது அந்த வகையில் மிகப்பெரிய பலத்த அடி வாங்கியுள்ள கங்குவா பற்றி ஒரே வரியில் உங்கள் கமெண்டை பதிவு செய்யுங்கள்.